تحشيش عراقي بس طويل كلش

استيقظت على صوت المنبه (هاونات) فجرا لاكتشف انه موعد الصلاة. حاولتان افتح عيناي ولكن هناك ضوء يمنع عيني من ان تفتح بسهولة..يالله ..يالله..هل هي الكهرباء الوطنية ؟؟؟ ...بصراحة العراقيين صاروا ( كالخفافيش )
حيث يصعب عليهم تمييز الاشياءوتحسسها بالنور..لان الكهرباء الوطنية مفقودة
منذ اكثر من شهرين..ومولدة الشارع تشكي الى الله الكاز..
توجهت الى الحمام بعد ان تاكدت من الكهرباء الوطنية عادت..وتسللت ....بهدووووووء تام لاستفرد بالماء الحار لوحدي



لكني فوجأت من ان ابني وابنتي يتشاجران من اجل الماء الحار على باب الحمام...
البنت دكتوراه علوم سياسية ودكتوراه فلسفة ودكتوراه علم


الاجتماع ليديز فيرست يا قليل الذوق...شوكت تبطل عادات المجتمعات الشرق اوسطية..وتتخلى
عن غريزة الرجل التسلطية لاذلال المراة ومنعها من ابسط حقوقها.. )


الولد: اليوم عندي دوام بالكلية..هاي فرصتي فرصة عمري وشبابي .اذا غسلت
يعني اكدر اليوم اروح اصارح..


البنت: انتظر ورة الخطة الامنية ..اكو امل بالكهرباء ومشاريع
الاعمار..وخلي الفرحة فرحتين ..هي غسلة المصارحة على غسلة زفافك ان شاء الله...


الاب: لا انت ولا هي..الوالدان اولى بالمــــــــــــي الحــــار..


الام استيقظت فجاة على كلمة المي الحار ( ماادري شلون سمعتها)



وجاءت
تهرول:
امــــــــــك ثم امــــــــــــــك ثم امــــــــــــك..ثم ابوك...


اثناءها تدخلت انا ( الاب) وذكرتها بايامنا وحلفتها بالعشرة والمودة
وصلات القربى ان تترك لي الماء الحار.


قالت الام للاب : انت ما تحتاج المي الحار مثلي...انت نص راسك اصلع والنص
الثاني شعراية ونص..


الابن: مستقبلي العاطفي ..مرتبط بالمي الحار..اذا انطيتوني الحمام اليوم
..وعد مني ماجي يم الحمام لشهر آب اللهاب..


البنت ( تدرس سياسة فوكاها) قالت: ان اعتداء الاسرة على حقوق البنت في
المي الحار بعد حرمان طويل الامد تعود اسبابه الى حقد غريزي على المراة في
المجتمعات الشرق اوسطية المتخلفة..لان الرجل لايهتم بمشاعرها ( حكة الجلد
والهرش) ويتصرف بأنانية الرجل الشرقي ليثبت رجولته من خلال الاستيلاء على
ثروات الحمام وتصفية الماء الحار من البوري واستغلاله لصالحه الشخصي..وهي من
رواسب الرأسمالية الكلاسيكية..


الاخ: يعني الكل عبالهم اني اسمر ..مايدرون الوسخ صار برونزي على جلدي
..والله لو اميرة احلامي تدري اني بالحقيقة ابيض..اكيد تغير رأيها 180 درجة...



الاب: الموظف النظيف يزيدون راتبه..هذا قرار من الكتلة النظيفةاللي ترأست
وزارة النظافة من الايمان (المقصود بها اما وزارة البيئة او هيئةالنزاهة
او الصحة..فهي كلها مرتبطة بالنظافة)..


. واخيرا تدخلت الحكومةالوطنية المنتخبة لوقف النزاع الاهلي وحفاظا على
كيان الاسرة من التصدع فقامت بقطع الكهرباء نهائيا..( مالحك يحمى المي



ويافرحة ماتمت .......

:lol!: :lol!: :lol!:

҉ ૐ°-_شكراً_-°ૐ ҉